Amerikaning mashhur fast-food tarmog‘i KFC o‘z menyusiga yangilik qo‘shdi — “Chizza”. Bu g‘oyaning o‘zgacha jihati shundaki, an’anaviy pitsaning asosiy qismi bo‘lgan xamir o‘rniga to‘liq pishirilgan tovuq go‘shti ishlatilgan. Bu g‘oya nafaqat fast-food dunyosida, balki umuman ovqatlanish madaniyatida yangi bir davrni boshlab berishi yoki bu navbatdagi PR yurish bo‘lishi mumkin.

“Chizza”ning taqdimoti KFC tomonidan qanday amalga oshirilganini ko‘rib chiqadigan bo‘lsak, ular bu yangi mahsulotni tanishtirish uchun “Chizzeria” nomli maxsus restoranlar ochishga qaror qilishgan. Hozircha bu tajriba faqat Nyu-Yorkda joylashgan bir nechta restoranlarda amalga oshirilmoqda, ammo bu yangilikning shov-shuvlari allaqachon dunyo bo‘ylab tarqalmoqda.

“Chizza”ni yaratishdagi asosiy g‘oya, an’anaviy pitsaning kaloriya miqdorini kamaytirish va shu bilan birga, tovuq go‘shtining muxlislarini yangi bir ta’m bilan tanishtirishdan iborat. Tovuq go‘shtining o‘zi allaqachon ko‘plab insonlar uchun sevimli taom bo’lgani uchun, uni asos qilib olish g‘oyasi ko‘plarga qiziq tuyulishi aniq.

Bu mahsulot qanday qabul qilinishini va “Chizza”ning kelajagini aytish qiyin, ammo bir narsa aniqki, KFC bu yangilik bilan fast-food sanoatida yangi bir trend yaratish niyatida.

Marketing o‘zbek tilida — @marketingbolimi