Marketologlar ommaviy tadbirlarda tovarlarni bepul tarqatishga cheklov qo’yish ish bermaydi deb hisoblaydi
Bundan tashqari, poytaxt metrosida olomon va tiqilinch yuzaga kelgan. Shuningdek, odamlar temir yo‘l bo‘ylab park tomon ketayotgani xabar qilingan.
Shundan so’ng, 28-iyun kuni Vazirlar Mahkamasning ommaviy tadbirlarda xavfsizlik talablarini kuchaytiruvchi qarori qabul qilindi. Hujjat bilan, ommaviy tadbirlarga fuqarolarni reklama, aksiya va boshqa maqsadlarda oziq-ovqat, buyumlar hamda boshqa mahsulotlar va tovar-moddiy boyliklarni bepul tarqatish yoki haddan tashqari arzonlashtirilgan narxda sotish orqali jalb qilish taqiqlanadi.
Vitaliy Xalzunovning ta’kidlashicha, butun dunyoda foydali takliflar paydo bo‘lganda shunga o‘xshash vaziyatlar yuzaga keladi.
Biroq, u o‘z ishida mijozlari o‘rtasida ommaviy kampaniyaga ehtiyoj yo‘qligi sababli tovarlarni tekinga berish marketing taktikasini qo‘llamaydi.
“Biroq men bu usulga mutlaqo qarshi emasman, chunki u ishlaydi. Va biznes maqsadlari boshqacha bo‘lishi mumkin. Masalan, men omborni oldingi tovarlar partiyasidan tozalashim va buni tezda bajarishim kerak. Nima qilishim kerak? Tabiiyki, ularni arzonga sotib tugatish kerak. Va agar buni juda tez bajarish kerak bo‘lsa, uni deyarli tannarxida sotish yoki tarqatishga to‘g‘ri keladi. Ha, bu ish beruvchi mexanizm”, — deydi Xalzunov.
Marketolog ilgari bunga salbiy munosabatda bo‘lgan, ammo so‘nggi yillarda “Coca-Cola”, “Pepsi”, “Korzinka” va “Click” kabi yirik brendlarning bepul konkurslari fonida o‘z munosabatini o‘zgartirdi. Bu biznes uchun samarali yechim va sotuvni rag‘batlantirish strategiyasining bir qismi bo‘lishi mumkin.
Biroq, tashkil qilishga malakali yondashuv olomon tufayli fojea sodir bo‘lmasligiga to‘liq kafolat bermaydi. Jumaniyozovning fikricha, bunday ommaviy tadbirlarga xaridorlar emas, balki tashkilotchilar va qonun himoyachilari javobgar.
Dinara Axmetovaning ta’kidlashicha, “Ashxobod” bog‘idagi voqealar “giper rentabellikdagi reklama aksiyalariga tabiiy reaksiya”. U misol tariqasida “qora juma” sotuvi va “Instagram”dagi “giveaway”ni keltirdi. U boshqa mamlakatlar tajribasidan o‘rganishni tavsiya qildi va “odamlar hamma joyda bir xil” ekanligini ta’kidladi.
Axmetova bunday harakatlarga qarshi. Sabablar sifatida u odamlar uchun ishonchsizlik, bir martalik shubhali muloqot effekti va brendning uzoq muddatli maqsadlariga erishishda yordam yetishmasligini ta’kidlaydi.
“Taqiqlar hech qachon ishlamaydi”
Uning so‘zlariga ko‘ra, agar hamma narsa taqiqlanadigan bo‘lsa, hech narsa yaxshi tomonga o‘zgarmaydi. Marketolog ommaviy tadbirlarni o‘tkazishni taklif qiladi, bu “aksincha, xavfsizlik va infratuzilma uchun mas’ul bo‘lganlarning barchasini oyoq uchida ushlab turadi”, biznes esa bunday hodisalarga qanday yo‘l qo‘ymaslik kerakligini tushunadi.
Alisher Jumaniyozov ham taqiqlarga qarshi chiqdi, chunki “ular deyarli ishlamaydi” va “mavhum oson yo‘l”. Biroq, u tizimli yechimlar va rejalarni ko‘rmasdan, haqiqatdan boshlashni tavsiya qiladi.
O‘z navbatida, Dinara Axmetova tovarlarni tekin tarqatish taqiqlanishini qisman qo‘llab-quvvatladi va “ruxsat yo‘q bo‘lsa, vasvasa ham yo‘q” deb ta’kidladi.
“Bu ommaviy tadbirlarni, ayniqsa, bolalar ishtirokida o‘tkazish bo‘yicha aniq va qat’iy talablar bilan hal etiladi. Ehtimol, biznesdan amaliyotlarni jalb qilinishi ba’zan qonun chiqaruvchilarga ko‘rinmaydigan muhim tafsilotlarni shakllantirishga yordam beradi. Ammo, amaliyot shuni ko‘rsatadiki, kompaniyalar ko‘pincha obro‘siga putur yetkazish va brendga bo‘lgan ishonchni yo‘qotish bilan o‘zlarini jazolaydilar”, — deya xulosa qildi u.
