ChatGPT haftalik o‘rtacha foydalanuvchilari sonini rekord – 150 million nafar chiqdi.

Bunga sabab esa o’sha ma’lum va mashhur tarmoqlarni “portlatgan” Studio Ghibli uslubidagi suratlar bo’ldi.

Xo’sh, hammasi nimadan boshlandi?

25-mart kuni OpenAI kompaniyasining ChatGPT uchun taqdim etgan so‘nggi yangilanishi – GPT-4o bir necha so‘zli ko‘rsatmalar yordamida Studio Ghibli uslubidagi tasvirlarni yaratish imkoniyatini berdi. Natijada, birgina shu funksiyaning o‘zi haftalik o‘rtacha foydalanuvchilar sonini rekord darajaga – 150 million nafargacha ko‘tarilishiga sabab bo‘ldi.

Nega Studio Ghibli bunchalik mashhur?

1985-yilda taniqli yapon rejissyori Hayao Miyazaki tomonidan asos solingan Studio Ghibli, “Ruhlar olamiga sayohat” va “Qo‘shnim Totoro” kabi filmlari bilan ancha mashhur.

Studio Ghibli filmlari o‘zining mazmunli hikoyalari, ajoyib tasviriy vositalari, unikal tasviriy uslubi va murakkab mavzularni sodda ko’rinishda tushuntirishi bilan mashhurdir.

Studiyaning filmlari ko‘pincha barcha yosh va ijtimoiy qatlamdagi tomoshabinlarga ta’sir qiladi, shu sababli ham ular animatsiya olamining betakror va sevimli qismiga aylangan.

Internet ChatGPT’ning Ghibli uslubidagi tasvirlari bilan to‘lib-toshgan bir paytda, OpenAI kompaniyasi bosh direktori Sem Altman sun’iy intellekt platformasiga bir soat ichida bir million yangi foydalanuvchi qo‘shilganini ma’lum qildi.

So’nggi o’zgarishlar atrofidagi bahslar

Bu yangilanish tarmoqlarni qizg’in kutib olindi. Ko’plab ijodkorlarni ChatGPTdagi bu o’zgarishni muallliflik huquqlarining buzilishi sifatida talqin qilishmoqda. Ko‘plab san’atkorlar o‘zlarining betakror ijodiy yondashuvlarini istalgan kishi oddiy matn so‘rovi orqali qo‘llay olayotganigan tashvishlanishmoqda. Ko‘plab san’atkorlar istalgan kishi o‘zlarining betakror ijodiy yondashuvlarini oddiy matn so‘rovi orqali tayyorlay olayotganlaridan tashvishga tushishmoqda. Studio asoschisi Miyazaki hozircha ChatGPTda studiyasiga tegishli tasvirlarni yarata olish imkoniyatini beruvchi bu o’zgarishlar haqida fikr bildirmagan. Biroq u ilgariroq sun’iy intellektga nisbatan tanqidiy munosabatda bo‘lganini aytgandi.