Bugun, 2025-yil 5-may kuni, Skype platformasi rasman o‘z faoliyatini tugatdi. Microsoft buning o‘rniga foydalanuvchilarga mavjud login va parol bilan Teams’ning bepul versiyasiga o‘tishni taklif etmoqda.
Barcha suhbatlar va qo‘ng‘iroqlar tarixi 2026-yil yanvarigacha Teams’ga ulansa, u yerda saqlanib qoladi.
Yopilishning sababi zamonaviyroq loyihalar, xususan Zoom va Teams bilan bo‘lgan raqobat bo‘ldi. Agar Skype o‘z mashhurligining cho‘qqisida 300 million foydalanuvchiga ega bo‘lgan bo‘lsa, 2023-yilga kelib ularning soni atigi 36 millionga tushib qoldi.
Xullas, yoshlikning bir qismi bilan xayrlashish payti keldi.
