Yandex Go Toshkentda samokat ijarasini yo'lga qo'ydi

"Yandex Go" ilovasida samokat ijaraga olish imkoniyati paydo bo'ldi. Safar narxi daqiqasiga 890 so'mdan boshlanadi.

Hozircha poytaxt bo'ylab samokatlar ko'p emas, ammo yaqin oylarda mingdan oshishi kutilmoqda.

Bitta akkauntdan bir vaqtning o'zida 3 tagacha samokat ijaraga olish mumkin. Safarlar vaqtida foydalanuvchining hayoti va sog'ligi sug'urutalanadi. Yandex samokatlari odam gavjum joylarda avtomatik tarzda sekinlashadi, bu xaritada ham belgilab qo'yilgan.

Hozircha Yandex samokatlari butun Toshkentni qamrab olmagan. Safarlar daqiqasiga 890 so'mdan boshlanadi, 30, 50 va 100 daqiqali paketlar ham bor.

Hozirda Toshkentda ko'plab kikshering xizmatlari faoliyat yuritmoqda va ma'lumotlarga ko'ra, ularning umumiy foydalanuvchilari 100 mingdan oshgan (bunga hech bo'lmasa bir marta kikshering xizmatidan foydalanganlar kiradi).