Telegram’da kanallar uchun storis qo‘yish

Telegram Info kanalining xabar berishicha, Pavel Durov jamoasi ishga tushurayotgan kanallar uchun storislar Discord’dagi bustlar mexanikasiga o‘xshaydi.

U Telegram’da qanday ishlaydi:

Telegram Premiumga obuna bo‘lgan foydalanuvchilar o‘zlari bir kunda bir marta o‘zi obuna bo‘lgan kanallardan biriga bust berishi mumkin. Bustlar qancha ko‘p bo‘lsa, kanallar uchun shuncha foydali.

Masalan, sizning kanalingizda bust bo‘lsa, sizda ko‘proq storis qo‘yish va boshqa funksiyalardan foydalanish imkoniyati bo‘ladi.

Bundan tashqari, shaxsiy akkauntdagi storislar ham yangilanishi mumkin:

— storisga audio qo‘shish imkoniyati paydo bo‘ladi;
— storisni postga bog‘lash mumkin bo‘ladi;
— storisni bir martagina ko‘rish funksiyasi qo‘shiladi;
— kanallar statistikasiga premium obunachilari haqida alohida bo‘lim qo‘shiladi.